ისწავლე დასაქმებისთვის!

"სანსეტ ბათუმში” დასაქმების ფორუმი გაიმართა, ფორუმზე წარმოდგენილი იყო აჭარასა და გურიაში არსებული ბიზნესები და მათ ხელთ არსებული ვაკანსიები. ფორუმს ასევე ესწრებოდნენ გურიის ახალგაზრდული რესურსცენტრის თანამშრომლები და დასაქმების ბაზაში სამუშაოს მაძიებლად დარეგისტრირებული ბენეფიციარები, რომლებმაც რამდენიმე კომპანიის წარმომადგენლებთან გაიარეს გასაუბრება.

ფორუმი გაიმართა პროექტის „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ფარგლებში. რომელსაც განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდთან „აფხაზინტერკონტი“ (AIC) და გურიის ახალგაზრდულ რესურსცენტრთან (GYRC) ერთად, ევროკავშირის ფინანსური მხარდაჭერით ახორციელებს.