ისწავლე დასაქმებისთვის

გრძელდება პროექტის "ისწავლე დასაქმებისთვის" გურიის გუნდის ვიზიტები რეგიონის სოფლებში. ამჯერად დასაქმების ცენტრის თანამშრომლები ჩოხატაურის სოფლებს ესტუმრნენ. ვიზიტის მიზანი საზოგადოების ინფორმირებულობის გაზრდაა პროექტისა და გურიის ახალგაზრდული რესურსცენტრის ბაზაზე არსებული პროექტის ფარგლებში შექმნილი დასაქმების ცენტრის შესახებ. სოფლებში საზოგადოების მეტი ინფორმირებისთვის განთავსდა პროექტის საინფორმაციო ბროშურები თვალსაჩინო ადგილას.

პროექტს „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდთან „აფხაზინტერკონტი“ (AIC) და გურიის ახალგაზრდულ რესურსცენტრთან (GYRC) ერთად, ევროკავშირის ფინანსური მხარდაჭერით ახორციელებს.