დასახლების საერთო კრების გამარტივებული ინოვაციური მოდელის ტიპიური დებულება და ოზურგეთის მუნიციპალიტეტის საკრებულოში წარსადგენი დადგენილების პროექტი გააცნო ოზურგეთის მუნიციპალიტეტის მერთან არსებულ მრჩეველთა საბჭოს გურიის ახალგაზრდული რესურსცენტრის აღმასრულებელმა დირექტორმა თამარ ღლონტმა და საქართველოს დემოკრატიული გავითარების კავშირის იურისტმა ირაკლი პაპავამ.
„დასახლების საერთო კრების ინოვაციური მოდელის შექმნა ახალგაზრდების აქტიური ჩართულობით ოზურგეთის მუნიციპალიტეტში“ ახალი პროექტია რომელიც გურიის ახალგაზრდულმა რესურსცენტრმა დაიწყო საქართველოს დემოკრატიული განვითარების კავშირთან პარტნიორობითა და ევროპის ფონდის დაფინანსებით, შვედეთის საერთაშორისო განვითარებისა და თანამშრომლობის სააგენტოს და დანიის საერთაშორისო განვითარების სააგენტოს გრანტის ფარგლებში.
პროექტი ოზურგეთის მუნიციპალიტეტის ორ დაბაში (ლაითურსა და ნასაკირალში) და ქალაქ ოზურგეთში განხორციელდება და მიზნად ისახავს ხელი შეუწყოს მოქალაქეთა მზარდ მონაწილეობას ადგილობრივი თვითმმართველობის განხორციელების პროცესში.
გურიის ახალგაზრდული რესურსცენტრი 
ჩოხატაურის ზრდასრულთა განათლების ცენტრი
ინგლისური აკადემია
