საზოგადოების ჩართულობაზე ორიენტირებული თვითმმართველობის განხორციელება ფოთსა და აბაშის მუნიციპალიტეტში

2019 წლის 13 ნოემბერს აბაშის მუნიციპალიტეტში გურიის ახალგაზრდული რესურსცენტრის ორგანიზებით სამი სხვადასხვა თემატიკის სემინარი ჩატარდა დაინტერესებულ პირთათვის: „ფონდების, რესურსების მოძიების შესავალი“ - რომელსაც ადგილობრივი საზოგადოებრივი ორგანიზაციების წარმომადგენლები და სამოქალაქო ჯგუფები ესწრებოდნენ; „მცირე ბიზნესის შესავალი -როგორ დავიწყოთ საკუთარი ბიზნესი“ - საოჯახო მეურნეობებისა და მცირე ბიზნესის წამოწყების მსურველთა მონაწილეობით; „მოხალისეობა და აქტიური მოქალაქეობა“ - მუნიციპალიტეტის საჯაროს სკოლების უფროსკლასელთა ჩართულობით. სემინარებს გურიის ახალგაზრდული რესურსცენტრის დამფუძნებლები ზვიად ერაძე და თამარ ღლონტი უძღვებოდნენ.

ღონისძიებები განხორციელდა პროექტის - „ საზოგადოების ჩართულობაზე ორიენტირებული თვითმმართველობის განხორციელება ფოთსა და აბაშის მუნიციპალიტეტში“ - ფარგლებში, რომელსაც ახორციელებს ქალაქ ფოთის მუნიციპალიტეტის მერია ევროკავშირის ფინანსური მხარდაჭერით აბაშის მუნიციპალიტეტთან, გურიის ახალგაზრდულ რესურსცენტრთან და სტუდენტურ- ახალგაზრდულ სათათბიროსთან პარტნიორობით.