სამოქალაქო განათლების პროგრამის, „მომავლის თაობა“ შემაჯამებელი ღონისძიება

2019 წლის 12 თებერვალს , ,,გურიის ახალგაზრდული რესურსცენტრის“ ორგანიზებით დემოკრატიული ჩართულობის ცენტრში გაიმართა სამოქალაქო განათლების პროგრამის, „მომავლის თაობა“ შემაჯამებელი ღონისძიება.
ღონისძიებაზე შეჯამდა პროგრამის ფარგლებში, 2018 წლის მანძილზე განხორციელებული საქმიანობები. მოსწავლეებმა წარმოადგინეს პროგრამის ფარგლებში განხორციელებული გამორჩეული საკლუბო და საკლასო პროექტები და ინიციატივები. 
ღონისძიებაზე დასახელდნენ პროგრამის ფარგლებში ტექნიკის კონკურსის გამარჯვებული კვირიკეთისა და ბოხვაური საჯარო სკოლები , ასევე სამოქალაქო განათლების პედაგოგები ბაილეთის , კვირიკეთისა და წყალწმინდის საჯარო სკოლებიდან.
ცხემლისხიდის სამოქალაქო კლუბმა წარმოადგინა სპექტაკლი ,,ბავშვების თვალით დანახული აქტუალური პრობლემები''
ღონისძიებას დაესწრო პროგრამის პარტნიორი სკოლების (კვირიკეთი, ბოხვაური, ცხემლისხიდი, ვაკიჯვარი, ასკანა, ბაილეთი, წყალწმინდა) პედაგოგები, მოსწავლეები, ადგილობრივი თვითმმართველობის, არასამთავრო ორგანიზაციების, მასმედიის, PH International - ის და USAID - ის წარმომადგენლები.