ისწავლე დასაქმებისთვის

საინტერესოდ ჩაიარა პროექტის "ისწავლე დასაქმებისთვის" გურიის გუნდის ვიზიტებმა რეგიონის სოფლებში. მიზანი საზოგადოების ინფორმირებულობის გაზრდა იყო პროექტისა და გურიის ახალგაზრდული რესურსცენტრის ბაზაზე პროექტის ფარგლებში შექმნილი დასაქმების ცენტრის შესახებ. შეხვედრები გაიმართა ადგილობრივი თვითმმართველობების წარმომადგენლებთან, ორივე მხრის წარმომადგენლებმა იმსჯელეს სამომავლო თანამშრომლობის გზებზე და საზოგადოების მეტი ინფორმირებისთვის განთავსდა პროექტის საინფორმაციო ბროშურები თვალსაჩინო ადგილას.

პროექტს „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდთან „აფხაზინტერკონტი“ (AIC) და გურიის ახალგაზრდულ რესურსცენტრთან (GYRC) ერთად, ევროკავშირის ფინანსური მხარდაჭერით ახორციელებს.