„თანამშრომლობა მშვიდობიანი თემებისათვის“

„თანამშრომლობა მშვიდობიანი თემებისათვის“ პროექტის ფარგლებში, 2019 წლის 7 თებერვალს ჩოხატაურის მუნიციპალიტეტის სოფელ ზოტში გურიის ახალგაზრდული რესურსცენტრის ორგანიზებით შეხვედრა-დისკუსიები გაიმართა, რომლის მიზანი იყო იმ საკითხების გამოვლენა, რაც ხელს უშლის განსხვავებული რელიგიური ჯგუფებით დასახლებულ თემებში თანამშრომლობასა და ჯანსაღი პარტნიორული ურთიერთობების ჩამოყალიბებას. 
პროექტს „თანამშრომლობა მშვიდობიანი თემებისათვის“ ახორციელებს გურიის ახალგაზრდული რესურსცენტრი საქართველოს უსაფრთხოების და განვითარების ცენტრის დაფინანსებით. პროექტის მიზანია მშვიდობისმშენებლობის, ურთიერთგაგებისა და თანამშრომლობის ხელშეწყობა გურიის რეგიონის ქრისტიანი და მუსლიმი თემებით დასახლებულ სოფლებში.